Өзін-өзі жұмыспен қамтығандарға арналған заңды табыс пен бонус: #TabysCard картасын ашу және пайдалану жолы

2026 жылы Қазақстанның салық жүйесі түбегейлі өзгерді. Мобильді аударымдарға автоматты түрде мониторинг жүргізу жүйесі енгізіліп, жалпыға бірдей декларациялау кезеңдері аяқталғаннан кейін «қызмет үшін төлемді қалай қабылдау керек?» деген сұрақ бұрынғыдай біржақты болмай қалды. Себебі бұған дейін көптеген төлемді жеке картаға аудару арқылы қабылдауға болатын.

Осы өзгерістерге жауап ретінде ЦентрКредит Банкі #TabysCard картасын іске қосты. Бұл карта заң талаптарын сақтауға көмектесіп қана қоймай, бұрын шығын болып келген тұстардан пайда табуға мүмкіндік береді. Енді барлығын рет-ретімен қарастырайық.

Мәнмәтін: неліктен енді «жай ғана аударым» жұмыс істемейді және кім өзін-өзі жұмыспен қамти алады?

Өзін-өзі жұмыспен қамтыған мәртебесі айлық табысы 300 АЕК-тен (2026 жылы бұл 1 297 500 теңге) немесе жылдық табысы 3 600 АЕК-тен (шамамен 15,5 млн теңге) аспайтын ҚР азаматтары мен қандастарға беріледі. Маңызды шарт – сіз жалдамалы қызметкерлерсіз, жеке өзіңіз ғана жұмыс істеуіңіз керек.

Рұқсат етілген қызмет түрлері (ЭҚЖЖ мысалдары):

• IT және креатив: бағдарламашылар (ЭҚЖЖ 95110), SMM мамандары, дизайнерлер және фотографтар (74200).
• Қызметтер мен сервис: такси жүргізушілері (49320), курьерлер (53200), репетиторлар (85599), бала күтушілер және жөндеу шеберлері.
• Бьюти-сала: шаштараздар, стилистер (96020) және маникюр шеберлері.
• Өндіріс және жалға беру: қолдан жасалған өнімдерді сату және жеке тұрғын үйді жалға беру (68201).

Бұл режим кімге сәйкес келмейді?

Заң өзін-өзі жұмыспен қамтудың жеңілдетілген режимін қолдана алмайтын санаттарды нақты шектейді:

• Акцизделетін тауарларды сатушылар (алкоголь, темекі өнімдері, мұнай өнімдері).
• Кеңес беру, маркетинг немесе заң саласында қызмет көрсететін мамандар.
• Агенттік шарттар негізінде жұмыс істейтін делдалдар.
• Металл сынықтарын жинаумен немесе жер қойнауын пайдаланумен айналысатын ұйымдар

Өзін-өзі жұмыспен қамтығандар қандай салық төлейді?

Жақсы жаңалық – өзін-өзі жұмыспен қамтығандарға жеке кәсіпкер ретінде тіркелудің қажеті жоқ, ал жеке табыс салығының мөлшерлемесі 0%. Яғни олар табыс салығын төлеуден босатылады.

Әлеуметтік төлемдер алынған табыстың 4%-ына тең. Оның ішінде 2% зейнетақы жарналарына (МЗЖ және ЖМЗЖ бойынша әрқайсысы 1%), 1% әлеуметтік аударымдарға және тағы 1% медициналық сақтандыруға (МӘМС) жұмсалады.

Өзін-өзі жұмыспен қамту туралы толығырақ мына мақаладан оқи аласыз.

Өз мәртебеңізді қайдан тексеруге болады?

Өзін-өзі жұмыспен қамтығандарға арналған қызмет түрлерінің жаңартылған тізімі мына жерде жарияланған. 

#TabysCard: карта туралы не білу қажет және оның артықшылықтары қандай?

Бұл – Visa Gold санатындағы цифрлық карта, ол bcc.kz қолданбасында әп-сәтте шығарылады (қолданбаны жүктеп алуға арналған динамикалық гиперсілтеме). Карта толықтай цифрлық форматта, яғни оны ұрлап кету мүмкін емес. Сонымен қатар банкоматта «ұмытып кету», әмияннан түсіріп алу немесе кассада қалдырып кету сияқты жағдайлар болмайды.

Картаның артықшылықтары:

• 1. Шығыннан табыс табу: таңдалған санаттар бойынша 10%-ға дейін және bcc club бағдарламасының серіктестерінде 20%-ға дейін кешбэк. Егер сізде #картакарта болса, кешбек лимиті біріктіріліп, айына 20 000 теңгеге дейін жетеді.
• 2. Қаражат қозғалысының еркіндігі: ҚР басқа банктерінің карталарына айына 300 000 теңгеге дейін ақшаны тегін аудару мүмкіндігі.
• 3. Қолма-қол ақшаға қол жеткізу: әлемдегі кез келген банкоматтан айына 1,5 млн теңгеге дейін ақшаны комиссиясыз алу. Бұл шетелдік тапсырыс берушілермен жұмыс істейтін фрилансерлерге немесе жиі саяхаттайтын адамдарға ыңғайлы.
• 4. Көпвалюталылық: жинақ қаражатын валюта ауытқуынан қорғау үшін USD және EUR шоттарын тіркеу мүмкіндігі.

Tabys картасы қауіпсіз бе?

Банк үшін қауіпсіздік – бірінші орында. #TabysCard картасы барлық тексерілген қауіпсіздік технологияларын қолдайды:

• 3D Secure: әрбір онлайн төлем push-хабарлама немесе SMS арқылы расталады.
• Динамикалық CVV-код: бұл функция қосылған жағдайда, картаның «артқы» жағындағы үш таңбалы код қолданбада үнемі жаңарып отырады. Тіпті күмәнді сайтта төлем жасаған кезде карта деректері алаяқтардың қолына түссе де, оларды қайта пайдалану мүмкін болмайды.
• Лимиттерді басқару: интернетте сауда жасау немесе қолма-қол ақша алу функцияларын уақытша пайдаланбасаңыз, оларды бір батырманы басу арқылы өшіруге болады.

Жиі қойылатын сұрақтар

Картаға қызмет көрсету және хабарламалар құны қандай? #TabysCard картасы толықтай тегін. Шығару, ай сайынғы қызмет көрсету және тіпті SMS немесе push-хабарламалар – 0 теңге. Операциялар туралы ақпарат беру үшін ешқандай жасырын комиссия алынбайды.

Картаны толықтыру үшін комиссия алына ма? Жоқ. Картаны ЦентрКредит Банкінің банкоматтары мен терминалдары арқылы комиссиясыз толықтыра аласыз. Сонымен қатар ҚР басқа банктерінің карталарынан ақша аудару да тегін, бұл клиенттерге қызмет ақысын оңай төлеуге мүмкіндік береді.

Басқа адамдарға ақша аудару лимиттері қандай?

• bcc карталары арасында ақша аудару – 0 теңге.
• ҚР басқа банктерінің карталарына ақша аудару – айына 300 000 теңгеге дейін тегін. Осы лимиттен асқан жағдайда комиссия 1% (кемінде 250 теңге) болады.

Шетелде болған кезде қолма-қол ақша ала аламын ба? Бұл – #TabysCard картасының басты артықшылықтарының бірі. Сіз әлемдегі кез-келген банкоматтан айына 1,5 млн теңгеге дейін ақшаны комиссиясыз ала аласыз (алайда банкомат иесі тарапынан комиссия алынуы мүмкін). Лимиттен асқан жағдайда bcc тарапынан 1% комиссия ұсталады.

Цифрлық картаны қайта шығару үшін төлем жасау қажет пе?Картаның қолданыс мерзімі аяқталса, қайта шығару тегін. Ал егер картаны өз қалауыңызбен (мысалы, қауіпсіздік себептері бойынша) қайта шығарсаңыз, құны – 1 000 теңге.

Әртүрлі валютамен шот ашуға бола ма?Иә, #TabysCard қосымша USD және EUR шоттарын ашуға мүмкіндік береді. Бұл шетелдік тапсырыс берушілермен жұмыс істейтіндерге ыңғайлы.

Картаны қалай ашып, бонус алуға болады? Барлығы онлайн жасалады:

• bcc.kz қолданбасын жүктеп алыңыз.
• «Өнімдер» бөлімінен #TabysCard картасын таңдаңыз.
• Биометриялық сәйкестендіруден өтіңіз.
• Карта 2 минут ішінде пайдалануға дайын болады.

Ал табысты жасырып жүрсе ше?

Қалай қарасақ та, 2026 жылы ашықтық таңдау емес, қажеттілікке айналды. Қазақстандағы мониторинг жүйесі енді аударымдардың санын ғана емес, олардың жүйелілігін де бақылайды.

#TabysCard картасына түсетін кіріс төлемдер автоматты түрде сіздің кәсіби табысыңыз ретінде жіктеледі. Бұл сізді банкке немесе салық органдарына әрбір транзакцияның қайдан түскенін дәлелдеуден босатады.

Тіркеуді елемеу айыппұлдарға ғана емес, сонымен қатар тіркелмеген бизнесті анықтауға бағытталған тәуекел‑менеджмент жүйелері тарапынан мобильді банкингті пайдалану мүмкіндігінің автоматты түрде шектелуіне әкелуі мүмкін.