Онлайн-бухгалтерия: сіздің бизнесіңіз үшін шексіз мүмкіндіктер

Ыңғайлы, функционалды, сенімді әрі тиімді – кәсіпкерлер үшін онлайн-бухгалтерияның артықшылықтарын асыра бағалау қиын. Сервис банк шотымен оңай интеграцияланады және оның арқасында сіз кез келген операцияны орындай аласыз.

ЦентрКредит Банкі тегін онлайн-бухгалтерия сервисін ұсынады, оны BCC Business қолданбасы немесе интернет-банк арқылы қосуға болады. 2024 жылы сервис арқылы оңайлатылған режимдегі ЖК салығын қалай төлеуге болады? Есептілік нысанын қалай жасауға болады? Сервис тағы қандай міндеттерді шешеді?

Автоматты есеп айырысу және барлық салықты оп-оңай төлеу

Сервис салық органына салықты оңай әрі ыңғайлы түрде төлеуге көмектеседі. Қазақстанда интернет арқылы ЖК үшін салықты комиссиясыз онлайн қалай төлеуге болады?

Алдымен «Салық төлеу» қойындысына өту қажет. Одан кейін сізді тағы бірнеше жеңіл кезең күтеді:

1. Төлемнің мәліметтерін толтырамыз. Ақша алынатын шотты көрсетіп, жүйе автоматты түрде шығаратын басшы туралы деректерді тексеру қажет.

2. Төлем түрін таңдаймыз. Тізбе төменде көрсетілген – ЖТС, әлеуметтік аударымдар, медициналық сақтандыру жарналары және т.б. Әрбір санаттың жанында төлем сомасы көрсетілген.

3. Жарна төленетін қызметкерді таңдаймыз. Осы кезең аяқталғаннан кейін, сіз жасалған төлемді аласыз.

4. Төлемге қол қоямыз – ол үшін «Қол қоюға өту» батырмасын басу қажет.

5. Қойындыға > Web-транзакциялар бөліміне өтеміз, «Теңгемен төлемдер» бағанын таңдаймыз. «Енгізілді» қойындысында төлемді растау қажет.

Онлайн режимінде ЖК салық берешегін де төлеуге болады.

Салық есептілігі нысанын жасау

BCC Business сервисі арқылы 910СЕН салық есептілігі нысанын жасауға болады, шағын бизнес өкілдері үшін оңайлатылған декларацияны осылай атайды. Ол үшін:

1. «Есептілік» бөліміне өтіп, 910- нысанды таңдап, оны толтыру қажет (декларация түрі, резиденттік, 2023 жылғы 1 шілдеден 31 желтоқсанға дейінгі кіріс).

2. «Жалғастыру», содан кейін – «Дайын» батырмасын басыңыз.

3. Белгіленген кезеңдегі жалақы туралы және салық аударымының сомасы туралы мәліметтерді көрсетіп, «Сақтау» батырмасын басыңыз.

Нысан дайын. Оны салық органына жіберу үшін нысанды жүктеп алып, файлды салық төлеушінің кабинетіне жүктеу қажет.

Салық төлеу және есептілікті тапсыру мерзімдері туралы ескерту

Опциялардың бірі – декларация тапсыру, салық төлеу және өзге де ақша аудару мерзімдері туралы ескерту. Бұл барлық құжатты мерзімінде жіберуге, мерзімі өткен әрбір күнге есептелетін өсімпұл сияқты қиындықтардың алдын алуға көмектеседі. Бір жыл ішінде салықты қайтадан уақытында төлей алмасаңыз, онда басқа шара қолданылып, айыппұл салынады.

Кадрлық оқиғалар мен қызметкерлерді басқару

Сервис аурухана парағы және еңбек демалысы, жұмыстан босату, жұмысқа қабылдауды ресімдеу бойынша жұмыс жүргізуге мүмкіндік береді. Барлық операция «Компаниялар мен қызметкерлер» деген қойындыда орындалады. Ол «Компания туралы ақпарат», «Қызметкерлер» және «Кадрлық оқиғалар» деген үш блокты қамтиды.

«Компания туралы ақпарат» блогында тұрғылықты жері бойынша және тіркелген жері бойынша салық органын көрсетіңіз. Кәсіпкерге мекенжайды іздеудің қажеті жоқ – барлық мәлімет қалқымалы мәзірде бар. Одан кейін «Өзгерісті сақтау» батырмасын басыңыз. Бұл ақпарат автоматты түрде «Қызметкерлер» және «Кадрлық шешімдер» деген басқа екі қойындымен жұмыс істегенде көрсетіледі.

Қызметкерді қосу үшін «Қызметкерлер» қойындысына өтіп, жоғарғы оң жақ бұрыштағы «+» батырмасын басу қажет. Ашылған бетте жаңа маман туралы мәліметтерді көрсетіңіз: ЖСН енгізген кезде, басқа жолдар (аты-жөні, туған күні) автоматты түрде толтырылады. Одан кейін азаматтықты, жалақы есептеу түрін таңдаймыз, жалақы мөлшерін және аптадағы жұмыс күндерінің санын көрсетеміз. Маманның штатқа қабылданған күнін жазуды ұмытпаңыз. «Өзгерісті сақтау» батырмасын басыңыз. Бұл деректерді кейіннен өңдеуге болады, бұл уақытты үнемдейді: кәсіпкерге жаңа карточка жасау қажет емес.

Қызметкерді жұмыстан босатқан кездегі барлық операция «Ағымдағы» қойындысы арқылы өтеді. Маманды таңдап, оның деректері көрсетілген қойындыға өтіңіз және «Жұмыстан босату» батырмасын басыңыз – ол беттің төменгі жағында орналасқан. Одан кейін күнтізбеде жұмыстан босатылатын күнін белгілейміз, ал түсініктемелері бар бағанда «Жұмыстан босатылды» деген мәртебені көрсетеміз. «Жасау» батырмасын басқан бойда, кадрлық оқиға пайда болады. Осы сәттен бастап бұл маман бойынша барлық дерек «Ағымдағы» қойындысында емес, «Жұмыстан босатылғандар» қойындысында қолжетімді болады. Бұл бөлімде жұмыстан босатылған қызметкер қайтадан жұмысқа қабылданған жағдайда, операциялар жүргізіледі.

Сервис жұмыстан босату және жұмысқа қабылдау бойынша жұмыс жүргізуге мүмкіндік беріп қана қоймай, сондай-ақ қызметкерді еңбек демалысына жіберу, демалыс күндерін санау және дұрыс ресімдеу жолы туралы түсінік береді. Бұған қоса, сервис қызметкерге ақысыз демалысты қалай есептеуге болатынын көрсетеді. Сіз сыйлықақы төлеуді және декретті ресімдеуді басқара аласыз. Сервис қызметкерге аурухана парағын қалай есептеуді, жұмыс берушіге аурухана парағын қалай толтыруды айтып береді.

Аурухана парағын Еңбек.кз электрондық еңбек биржасында тіркеу керектігіне назар аударыңыз.

BCC Business қолданбасында қалай тіркелуге болады?

Сервис функционалын пайдалану үшін компанияны BCC Business-те тіркеу қажет. Бұл қиын емес:

1. «Сервистер», содан кейін «Онлайн-бухгалтерия» қойындысына өтіңіз.
2. Деректерді жинауға келісіміңізді растап, «Жалғастыру» батырмасын басыңыз.

3. Компания туралы деректерді көрсетіп, тіркелген жері және тұрғылықты жері бойынша салық органын таңдаңыз. Басшы туралы мәліметтерді – аты-жөнін, жұмысқа қабылданған күнін, жалақысын, әлеуметтік мәртебесін (мысалы, зейнеткер немесе көп балалы ана) толтырыңыз. «Жалғастыру» батырмасын басыңыз.

Осы сәттен бастап онлайн-бухгалтерия сервисі іске қосылды.

Барлық аталған опция интернет-банкингте де, iOS және Android ОЖ негізінде жұмыс істейтін смартфондарға арналған BCC Business мобильді қолданбасында да қолжетімді. Сіз кез келген ыңғайлы құрылғыдан жұмыс істей аласыз және офиске тәуелді болмайсыз. ЦентрКредит Банкінің 2024 жылға арналған жоспарында BCC Business-ті 1С онлайн-бухгалтерия жүйесімен интеграциялау бар, бұл салық және бухгалтерлік есепті бұрынғыдан да жеңілдетіп, тиімдірек етеді.