Қазақстанда салықты қалай төлеуге болады? Өте оңай әрі қарапайым

Бір қарағанда салық төлеуде ешқандай қиындық жоқ сияқты көрінеді. Алайда көптеген адамдар төлемді қалай жасау керектігін нақты білмейді. Осы олқылықтың орнын толтырып, салық төлеудің негізгі жолдарын қарастырайық.

Қандай салықтарды төлеу қажет екенін қайдан білуге болады?

Төлем жасау тәсілін таңдаудан бұрын, ең алдымен қандай салықтарды төлеу қажет екенін анықтап алған жөн. Сонымен қатар салық бойынша берешектің жоқ екеніне көз жеткізу де артық болмайды. Салықтық міндеттемелер туралы мәліметті онлайн режимде алуға болады. Ол үшін екі негізгі әдіс қолжетімді:

• Мемлекеттік кірістер комитетінің (МКК) порталында.
• E-Salyq Azamat қолданбасында. Көптеген салық төлеушілер дәл осы қолданба арқылы тексеруді жөн көреді. Себебі ол төлеуге жататын салықтарды ғана емес, сондай-ақ мерзімі өтіп кеткен төлемдер туралы ақпаратты да көрсетуге мүмкіндік береді.

Екі сервисте де салықтарды ЖСН арқылы тексеруге болады. Ол үшін қажетті сервисті ашып, жеке сәйкестендіру нөмірін енгізу жеткілікті. МКК порталында ЖСН-ды іздеу жолына енгізсеңіз болғаны, жүйе салықтар мен берешектің жалпы сомасын көрсетеді.                     

Ал E-Salyq Azamat қолданбасында салық туралы ақпарат алу үшін «Салық әмияны» бөліміне өту қажет. Егер төленбеген міндеттемелерді тексергіңіз келсе, «Электрондық сервистер» → «Берешек сервисі» бөлімін таңдаңыз. (Бұл жерде барлық төленбеген салықтар мен басқа да міндетті төлемдер туралы мәліметті көруге болады).       

Анықтама үшін. Қазақстанда жеке тұлғалар 2026 жылы жеке табыс салығын (ЖТС) төлейді, сондай-ақ зейнетақы жарналары мен міндетті әлеуметтік медициналық сақтандыруға аударымдар жасайды. Егер азаматтың меншігінде мүлкі болса, оған мүлік салығы (жылжымайтын мүлік пен жер телімі үшін) және көлік салығы да салынады. Заңды тұлғалар үшін төленетін салықтардың тізімі қолданылатын салық режиміне байланысты. Олардың қатарына корпоративтік табыс салығы (КТС), қосымша құн салығы (ҚҚС), әлеуметтік салық, мүлік салығы, көлік құралдарына салынатын салық және басқа да міндетті төлемдер кіреді. Айта кету керек, жеке тұлғаларға да, компанияларға да белгілі бір салық жеңілдіктері қарастырылған.

Мысалы, кейбір төлемдерден босату немесе салықтық жеңілдіктер қолданылуы мүмкін. Сондықтан өзіңізге қатысты салық міндеттемелерін нақты біліп, салық жүктемесін алдын ала анықтап алған маңызды.

Төлемді қалай жасауға болады?

Мүлік салығын төлеу және салық берешегін өтеу онлайн түрде қолжетімді. Бұл есеп айырысу процесін жылдам әрі ыңғайлы етеді. Төлемді келесі үш тәсілдің бірі арқылы жасауға болады:

1. E-Salyq Azamat қолданбасы арқылы.
2. eGov.kz электрондық үкімет порталы арқылы. Бұл әдіс мемлекеттік қызметтерді интернет арқылы жиі пайдаланатын азаматтар үшін ең қолайлы нұсқалардың бірі болып саналады.
3. Екінші деңгейдегі банктердің қашықтан қызмет көрсету арналары арқылы. Төлемді интернет-банкинг жүйесі (банктің ресми сайты) немесе мобильді банкинг арқылы жүргізуге болады. Мобильді қолданба арқылы төлеу анағұрлым ыңғайлы, себебі пайдаланушы төлемді кез келген жерде жүзеге асыра алады. Ол үшін «Салықтар» бөлімін таңдап, қажетті мәліметтерді енгізу жеткілікті.

Мобильді қолданба арқылы төлеу анағұрлым ыңғайлы, себебі пайдаланушы төлемді кез келген жерде жүзеге асыра алады. Ол үшін «Салықтар» бөлімін таңдап, қажетті мәліметтерді енгізу жеткілікті.

E-Salyq Azamat арқылы салықтар мен салық берешегін қалай төлеуге болады?

Мемлекеттік кірістер комитетінің ресми қолданбасы салық төлеушінің электрондық әмияны қызметін атқарады. Қолданба арқылы есептелген салық сомаларын қарап, салық берешегінің бар-жоғын тексеруге және төлемдерді онлайн жүргізуге болады.

E-Salyq Azamat қолданбасы арқылы төлем жасау үшін келесі қадамдарды орындау қажет:

1. Жүйеге кіріңіз. Ол үшін өзіңізге ыңғайлы тәсілді таңдаңыз: ЖСН, телефон нөмірі немесе электрондық цифрлық қолтаңба (ЭЦҚ) арқылы авторизациядан өтіңіз.
2. «Салық төлеу» («Салық әмияны») бөліміне өтіңіз.
3. Есептелген төлемдер туралы ақпаратты тексеріңіз. Қажет болған жағдайда мәліметтерді қолмен де енгізуге болады.
4. Қажетті төлем түрін таңдаңыз. (Мысалы, көлік салығын, мүлік салығын).
5. Төлем сомасын көрсетіңіз.
6. Төлем жасалатын банк картасының деректерін енгізіңіз.
7. Төлемді растаңыз.

eGov.kz порталында салықты қалай төлеуге болады?

Осыған ұқсас тәртіп электрондық үкімет порталында да қарастырылған:

1. Сайтқа кіріп, авторизациядан өтіңіз.«Салықтар және қаржы» бөлімін, одан кейін «Төлемдер» тармағын таңдаңыз.
2. «Салық төлеу» қызметін басыңыз.
3. Ұсынылған жолдарды толтырыңыз (төлеуші туралы мәліметтерді және қажетті деректемелерді енгізіңіз)
4. Төлем жасалатын салық түрін және төлем жіберілетін мемлекеттік кірістер органын көрсетіңіз.
5. Төлем сомасын енгізіңіз.
6. «Онлайн төлеу» батырмасын басыңыз.

bcc.kz қолданбасында көлік салығын немесе басқа салықтарды қалай төлеуге болады?

Есеп айырысуларды жүргізуге арналған ыңғайлы қолданбалардың бірін ЦентрКредит Банкі ұсынады. Қажетті бөлімді таңдап, төлемді небәрі бірнеше секунд ішінде жүзеге асыруға болады. Қолданба арқылы тек салықтарды төлеп қана қоймай, басқа да төлем операцияларын орындауға мүмкіндік бар (мысалы, айыппұлдарды өтеп, кедендік төлемдерді де оңай жүргізуге болады).

Қалай төлеуге болады?

1. «Төлемдер» бөліміне кіріңіз
2. «Айыппұлдар мен салықтар» қосымшасын таңдап, одан кейін «Салықтар» бөліміне өтіңіз.
3. «ЖСН бойынша салықтар» қызметін таңдаңыз. Содан кейін қажетті салық түрін көрсетіңіз, мысалы: жер салығы, ЖТС, бірыңғай салық төлемі, әлеуметтік салық.
4. Төлем деректемелерін енгізіңіз. Деректемелер бойынша төлем жасау мүмкіндігі жеке тұлғаларға да, заңды тұлғаларға да қолжетімді.
5. Ақша есептен шығарылатын шотты немесе картаны таңдаңыз.
6. Төлемді растаңыз.

Операция туралы мәліметтер қолданбада сақталады. Қажет болған жағдайда жүргізілген төлемнің түбіртегін жүктеп алуға болады.

ЦентрКредит Банкінің клиенттеріне карта деректемелерін қолмен енгізудің қажеті жоқ. Қажетті шотты таңдасаңыз жеткілікті. Бұл төлем жасау процесін жылдамдатып, қателесу қаупін азайтады.

Сондай-ақ қолданба арқылы есептелген салықтар туралы ақпаратты тексеруге болады. Ол үшін «Төлемдер» бөліміне өтіп, «Мемлекеттік қызметтер» («Салықтар») бөлімшесін таңдаңыз. ЖСН-іңізді енгізгеннен кейін экранда қолданыстағы барлық салық міндеттемелері бойынша есептелген сомалар көрсетіледі.

Уақытты үнемдеу мен төлемдердің жедел орындалуы онлайн салық төлеудің басты артықшылықтарының бірі ғана. Пайдаланушы нақты бір банк бөлімшесіне тәуелді болмайды және әлемнің кез келген жерінен 24/7 режимінде аптаның кез келген күні төлем жасай алады.

Сонымен қатар қаражаттың және жеке деректердің қауіпсіздігіне алаңдаудың қажеті жоқ. Барлық операциялар жоғары деңгейде қорғалған банктік және мемлекеттік төлем шлюздері арқылы жүзеге асырылады.