Қолданбалар арқылы жеке қаржыны бақылаудың топ-5 тәсілі

Бүгінде цифрлық қаржы құралдары шығынды қолмен есептеуді қойып, ақшаны басқаруда болашақты жоспарлауға, ақшаны жинауға және инвестициялауға көмектесетін жүйеге айналып отыр. Төменде әрқайсысы өз қолданбасымен ұсынылған және bcc.kz  мобильді қолданбасын толықтыра алатын ақшаны басқарудың бес түрлі моделі ұсынылады.

Цифрлық сервистер күнделікті атқарылатын жұмысты өздеріне алады: банктерден операцияларды автоматты түрде тартады, төлемдерді еске салады, шығыстардың жалпы көрінісін көрсетеді және мақсаттарды ұмытпауға көмектеседі. Бұл әсіресе жоғары инфляция мен тұрақты төлемдер кезінде, ақшаны жүйесіз «аз аздан» жоғалту қаупі болған кезде пайдалы.

Monarch Money: отбасылық басқару тақтасы

Monarch Money-ді отбасына немесе серіктестікке арналған «ортақ қаржылық дашборд» деп сипаттауға болады. Бағдарлама бірнеше пайдаланушының шоттарын, шығыстарын, кірістерін және инвестицияларын біріктіреді, санаттарды, мақсаттарды және виджеттерді сіздің сұранысыңызға сай реттеуге мүмкіндік береді. Мұндай тәсіл жинақтар мен активтер бар кезде ыңғайлы, ал міндет —  ортақ көріністі байқап, бірлескен шешім қабылдау.

Кімдерге жарамды:

• бірнеше шоттары және брокерлік портфельдері бар отбасылық жұптар мен серіктестерге;
• бір айдағы шығынды ғана емес, капиталдың динамикасын көргісі келетіндерге.

Платформалар: iOS, Android, веб-нұсқасы

Құны: $14,99/айына немесе $99/жылына 7 күндік сынақ кезеңінен кейін

Тілі: Ағылшын тілі

ТYNAB: қатаң нөлдік бюджет және әдеттерді ауыстыру

YNAB (You Need A Budget) мынадай қағидатқа құрылады: әрбір алынған табыстың нақты мақсаты болуы тиіс. Пайдаланушы «нені жұмсады» деген талдаудың орнына ақшаны санаттар мен мақсаттар бойынша алдын ала бөледі, соның ішінде тұрақты емес шығындар — демалыс, жөндеу жұмыстары, оқыту. Кіріктірме оқыту материалдары жаңа қаржылық тәртіпті қалыптастыруға және «айлықтан айлыққа дейін» өмір сүру ұғымынан арылуға көмектеседі.

Кімдерге жарамды:

• шығыстарды қатаң бақылағысы келетіндер мен жоспарлаудың жаңа әдетін қалыптастырғысы келетіндерге;
• қолданбаға тұрақты түрде кіріп, бюджетті қолмен түзетуге дайын пайдаланушыларға.

Платформалар: iOS, Android, веб-нұсқасы, Apple Watch

Құны: $14,99/айына немесе $109/жылына (34 күндік сынақ кезеңі)

Тілдер: Ағылшын (Toolkit for YNAB кеңейту арқылы басқа тілдерді қолдау - 30-дан астам тіл қолжетімді)

Quicken Simplifi: ақша ағыны бойынша болжамдар мен сценарийлер

Quicken Simplifi болашаққа бағытталған: тұрақты төлемдерді, жазылымдарды, міндеттемелерді және күтілетін кірістерді ескере отырып, шығыстар жоспарын құрады. Пайдаланушы бюджеттеудің әртүрлі үлгіcін таңдай алады — классикалық тәсілден бастап «айырбастау» тәсіліне дейін және айдың соңына дейін қаражат жете ме деген болжамды көре алады.

Кімдерге жарамды:

• шығындар өзгерген кезде «егер ... болса, не болады» деген сценарийді көргісі келетіндерге;
• көптеген жазылымы мен тұрақты төлемдері бар пайдаланушыларға, олар үшін минусқа кетіп қалмау маңызды.

Платформалар: iOS, Android, веб-нұсқасы

Құны: ай сайынғы жазылым құны $2,99

Тілдер: Ағылшын тілі

PocketGuard: қарапайым жауап «қанша жұмсауға болады»

PocketGuard— барлық міндетті төлем мен болашақ шегерімдерді ескере отырып, қазір қанша ақша жұмсауға болады деген  негізгі көрсеткішке назар аударады. Қолданба операцияларды банктерден автоматты түрде тартады, шығындар құрылымын талдайды және жазылымдар мен қызметтерді оңтайландыруды қоса алғанда, үнемдеу тәсілдерін ұсынады.

Кімдерге жарамды:

• «кестені ақтарғысы» келмейтіндерге, бірақ қауіпсіз шығындардың шекарасын түсінгісі келетіндерге;
• пкүрделі бюджет құрмай, күнделікті қалдықты бақылауда ұстау маңызды болатын пайдаланушыларға

Платформалар: iOS, Android, веб-нұсқасы (тек АҚШ және Канада банктерін қолдау)

Құны: Базалық нұсқасы тегін; PocketGuard Plus $12,99/айына немесе $74,99/жылына

Тілдер: Ағылшын тілі

Goodbudget: цифрлық «конверттер» және отбасылық бюджетті оқыту

Goodbudget «конверттердің» классикалық әдісін цифрлық ортаға көшіреді: сіз ақшаны алдын ала санаттарға бөлесіз (тамақ, көлік, демалыс, сыйлықтар) және әрбір конверттің лимиті шеңберінде жұмсайсыз. Қолданба ашық визуализация мен бірлесіп қол жеткізуге баса назар аударады, бұл бюджетті отбасының жүргізіп отыруына ыңғайлы.

Кімдерге жарамды:

• көрнекі болғанын қалайтын және әрбір санат бойынша лимитті нақты көргісі келетін адамдарға;
• ортақ бюджетті келісіп,  уағдаластық шеңберінен шықпауды үйренгісі келетін жұптарға.

Платформалар: iOS, Android, веб-нұсқасы

Құны: Тегін нұсқасы (10 конвертке дейін, 1 жыл тарихы); Premium $10/айына немесе $80/жылына

Тілдер: Ағылшын тілі

Қосымша қолданбалар: жазылымдар, борыштар және активтер

Сервистердің жекелеген тобы тар, бірақ ауыр міндеттерді — жазылымдарды, бірлескен шығындарды және активтерді біріктіруді жабады.

Subby — учёт платных подписок

• Сіздің жазылымдарыңыз бен тұрақты төлемдеріңізді бір тізімге жинайды, айына және жылына жиналған жалпы соманы көрсетеді.
• Есептен шығару туралы алдын ала ескертеді, қажетсіз сервистерден дер кезінде бас тартуға және «ұмытылғандар үшін» төлемеуге көмектеседі.
• Платформалар: iOS, Android
• Құны: жазбалар саны шексіз тегін нұсқа; Кеңейтілген мүмкіндіктері бар PRO нұсқасы шамамен $2,49-3,99 бір реттік сатып алу үшін қолжетімді
• Тілдер: Бірнеше тіл қолданылады, нақты тізім платформаға байланысты

Splitwise — бірлескен шығындарды адал есептеу

• Сапарда, кешкі ас пен іс-шараларда кімнің қанша төлегенін есте сақтайды және кімнің кімге қанша қарыз екенін есептейді.
• Платформалар: iOS, Android, веб-нұсқасы
• Құны: қосылатын шығыстар санына шектеулері бар тегін нұсқа; Splitwise Pro $4,99-6 €/айына немесе өңірге байланысты $40-999 ₽/жылына
• Тілдер: 7+ тіл қолданылады, соның ішінде ағылшын тілі

bcc.kz: Қазақстандағы ақшаны басқаруға арналған база

Халықаралық қолданбалар тәсілдерімен шабыттандырады. Ақшамен, жинақтармен және инвестициялармен нақты операцияларды түсінікті әрі қолжетімді жергілікті сервис — bcc.kz мобильді қолданбасы арқылы жүргізу сондай ыңғайлы

• Платформалар: iOS, Android
• Құны: Тегін
• Тілдер: Қазақ, орыс, ағылшын

Ақшаға бір жерден қол жеткізу 

bcc.kz қолданбасы шоттарды, карталарды, депозиттерді, кредиттерді, валюталық операцияларды, металдар мен инвестицияларды бір интерфейсте біріктіреді.

Пайдаланушы бөлімшеге бармай-ақ өнімдерді ресімдей алады, төлемдер мен аударымдарды жүргізе алады, шығыстар мен кірістерді қадағалай алады.

«Менің мақсатым» мақсатты депозиті: ақша жинау оңай әрі көрнекі

«Менің мақсатым» мақсатты депозиті — жай ғана ақша жинау емес, нақты мақсатқа белгіленген мерзіммен ілгері жылжуды қалайтындарға арналған құрал.

Бұл қалай жұмыс істейді:

• bcc.kz қолданбасында бірнеше минут ішінде депозит ашып, мақсатты таңдаңыз (автомобиль, білім, демалыс, техника) және қаласаңыз оның суретін қосыңыз..
• Мақсаттың сомасын және мерзімін (3, 6 немесе 12 ай) белгілеңіз, автоматты түрде толықтыруды таңдаңыз.
• Салым мерзіміне байланысты жылдық 16,70% -ға дейін (ЖТСМ 14,90-16,70%) мөлшерлеме аласыз.
• Депозит ашуға қажетті ең аз сома - 1 теңге, бұл жинақтаудың алғашқы қадамынан-ақ өнімді қолжетімді етеді.

Жинақтаудың төрт «үдеткіші»:

• кірістен автоматты түрде толықтыру (картаға түсетін түсімнің белгіленген сомасы немесе пайызы);
• шығыстан толықтыру (әрбір сатып алынған соманың бір бөлігі автоматты түрде салымға кетеді);
• мақсатты назарда ұстауға көмектесетін қолданбадағы прогресті визуализациялау;
• ақшаны әдеттегідей картада сақтаумен салыстырғанда жоғары пайыздық мөлшерлеме.

bcc.kz қолданбасындағы қосымша қаржы құралдары

bcc.kz мобильді қолданбасы әдетте бірнеше сервистер арасында бөлінген негізгі сценарийлерді жабады..

• FX-ақша айырбастағышы және металл-шоттар: биржалық бағамдар бойынша валюта айырбастау, алтын мен күмісті граммен сатып алу, өз шоттары арасында комиссиясыз айырбастау.
• Инвестициялар: KASE және KASE Global биржаларында брокерлік шот ашу және акцияларды тікелей қолданбадан сатып алу мүмкіндігі.
• Онлайн кредиттер: 7 млн теңгеге дейін кредиттерді рәсімдеу, кестені басқару, мерзімінен бұрын өтеу және бөлімшеге бармай төлем күнін өзгерту.
• Кэшбек бағдарламасы: шығындардың бір бөлігін нақты ақшамен қайтару (серіктестерде 15% -ға дейін), оны күнделікті сатып алуға немесе депозитті толықтыруға жұмсауға болады.
• Оқырман үшін маңызды ескерту: бұл шешімнің барлығы бір цифрлық кеңістікте біріктірілген, бұл фрагменттеуді азайтады және уақытты үнемдейді.

Өзіңнің құралдар жиынтығыңды қалай таңдауға болады

Қолданбалар саны тым көп болып кетпес үшін бәрін қатарынан қоя бермей, өзіңнің 2-3 шешімнен тұратын цифрлық жүйеңді жинақтап алу маңызды.

Мини-гайд: өз қаржы жүйеңді 5 қадам арқылы қалай жинауға болады

Ақшаға арналған «үйді» анықтаңыз

bcc.kz мобильді қолданбасын база ретінде пайдаланыңыз: ол арқылы негізгі кірістер, шығыстар, аударымдар, кредиттер мен жинақтар өтеді.

3-12 айға арналған бір басым мақсатты таңдаңыз

Ол үшін «Менің мақсатым» депозитін ашыңыз, автотолықтыруды қосыңыз және прогресті қарап отырыңыз — осылайша мақсат «көрінетін» болады, ал ақша жинау жүйенің бір бөлігі болады..

Жеке тәртіпке арналған қолданбаны қосыңыз

• Егер қатаң құрылым қажет болса — YNAB немесе Goodbudget;
• егер жеңіл бақылау және «болады/болмайды» деген қарапайым жауаптар қажет болса — PocketGuard

Жазылым трекерін орнатыңыз

Барлық ақылы қызметті есепке алу үшін Subby бағдарламасын пайдаланыңыз және артық нәрсені өшіру үшін айына бір рет оның деректерін bcc.kz-дегі үзінді көшірмемен салыстырыңыз

Қазақстандық оқырман үшін маңызды ескертпелер

Халықаралық қолданбалардың бір бөлігі қазақстандық банктермен тікелей интеграцияны қолдамауы мүмкін, сондықтан кейбір операцияларды қолмен енгізуге немесе оларды көбірек талдау панелі ретінде пайдалануға тура келеді. Ірі сомалар мен негізгі операцияларды лицензияланған банкте сақтау, ал бөгде сервистерді талдау және жоспарлау үшін қондырма ретінде пайдалану қауіпсіз. Кез келген жағдайда тұрақты қаржы жүйесінің негізі «шығындар бойынша шарықтауларды талдау» емес, мақсаттар мен қолжетімді цифрлық құралдарды ескере отырып, әрекеттерді үнемі түзету болып табылады.