Неліктен қазақстандықтардың көбі отбасының болашағын алдын ала ойлай бастады?

Адамдар отбасы құрып, бала тәрбиелеп, баспана сатып алып, мансап жолын қалыптастырады. Сонымен қатар олар өмірдің түрлі жағдайында үйреншікті өмір салтын қалай сақтап қалуға болатыны туралы да жиі ойлана бастады. Қаржылық қауіпсіздік мәселесі бұрынғыдай дерексіз ұғым емес, күнделікті қабылданатын шешімдердің бір бөлігіне айналып келеді.

BCC Life компаниясының мәліметінше, соңғы жылдары клиенттермен жүргізілетін әңгімелердің сипаты айтарлықтай өзгерген. Бұрын сұрақтардың басым бөлігі күнделікті міндеттерге қатысты болса, қазір отбасының әл-ауқаты, маңызды мақсаттарға қаражат жинау және ертеңгі күнге деген сенімділік тақырыптары жиі көтеріледі.

Осының нәтижесінде өмірді сақтандыруға деген қызығушылық артып келеді. Өйткені ол отбасының қаржылық тұрақтылығын нығайтуға көмектесетін құралдардың бірі саналады.

Адамдарды көбіне қандай мәселелер толғандырады?

Жасы мен өмір салты әртүрлі болғанымен, көптеген отбасын толғандыратын мәселелер ұқсас.

• Баланың біліміне қаражатты қалай жинауға болады?
• Күтпеген жағдайларға арналған қаржылық қорды қалай қалыптастыруға болады?
• Отбасының үйреншікті өмір сүру деңгейін қалай сақтауға болады?
• Белсенді еңбек жолы аяқталғаннан кейінгі өмірге қалай дайындалуға болады?
• Жақындарыңызға қосымша қаржылық қолдауды қалай қамтамасыз етуге болады?

Көпшілік үшін мұндай сұрақтар қаржылық кеңес алғаннан немесе кезекті мақаланы оқығаннан кейін емес, өмірдегі маңызды кезеңдерде, мысалы, бала дүниеге келгенде, жеке баспана сатып алғанда, отбасы құрғанда немесе жақындарына деген жауапкершілік артқанда туындайды.

Сондықтан бүгінде адамдар шешім қабылдағанда қазіргі қажеттіліктерді ғана емес, ұзақмерзімді болашақты да ескеретін болды.

Өмірді сақтандыру мен жалпы сақтандырудың айырмашылығы неде?

Барлық сақтандыру өнімдерінің ортақ мақсаты – қаржылық тәуекелдерден қорғау. Алайда олардың атқаратын қызметі мен пайдалану мақсаты әртүрлі болуы мүмкін.

Сақтандыру өнімдерінің басым бөлігі дәл қазіргі сәтте туындауы мүмкін күтпеген жағдайлардың салдарын еңсеруге көмектеседі. Сонымен қатар ұзақмерзімді мақсаттарға бағытталған шешімдер де бар.

Мүлікті, жауапкершілікті немесе денсаулықты түрлі тәуекелдерден қорғауға арналған жалпы сақтандыру өнімдерімен қатар, өмірді сақтандыру қосымша қаржылық қор қалыптастыруға және отбасының маңызды жоспарларын жүзеге асыруға бағытталған.

Қазақстандықтар отбасының болашағы туралы жиі ойлана бастаған сайын, өмірді сақтандыру біртіндеп сақтандыру құралы ғана емес, жеке қаржыны саналы басқарудың маңызды бөлігіне айналып келеді.

Ұзақмерзімді жоспарлау әдетке айналғанда

Осыдан біраз уақыт бұрын адамдардың көбі шешімдерін алдағы бірнеше ай немесе жыл ішіндегі міндеттерге сүйеніп қабылдайтын.

Қазір көпшілік ұзақмерзімді жоспарларға көбірек мән бере бастады. Балалардың біліміне қаражат жинау, ауқымды отбасылық мақсаттарға қол жеткізу және жақындарға қамқорлық жасау уақыт пен жүйелі тәсілді талап етеді.

Сондықтан адамдардың көбі отбасының әл-ауқаты үшін сенімді қаржылық негіз қалыптастыруға және маңызды шешімдерді алдын ала қабылдауға ұмтылады.

Өмірді сақтандыруға деген көзқарас неге өзгеріп жатыр?

Қазақстандықтар өмірді сақтандыруға қорғаныс құралы ретінде ғана емес, кеңірек тұрғыдан қарай бастады. Барған сайын адамдар өздері мен жақындары үшін қосымша қаржылық сенім мен тұрақтылықты қамтамасыз етуге ұмтылады.

BCC Life компаниясының байқауынша, өмірді сақтандыруға деген қызығушылық көбіне қиындықтар туындаған кезде емес, одан әлдеқайда бұрын — әсіресе адамдар өмірінің келесі кезеңдері туралы ойлана бастағанда, бала тәрбиелегенде немесе отбасы алдындағы жаңа жауапкершілікті өз мойнына алғанда пайда болады.

Бұл үрдіс әсіресе маңызды өмірлік оқиғаларға алдын ала дайындалуды жөн көретін жас отбасылар мен ата-аналар арасында айқын байқалады.

Бүгінде қандай шешімдер қолжетімді?

Адамдардың қажеттіліктері өмір кезеңдеріне қарай өзгеріп отырады. Сондықтан бүгінгі таңда өмірді сақтандыру нарығы әртүрлі мақсаттарға арналған шешімдердің кең таңдауын ұсынады.

Мысалы, индекстеумен өмірді сақтандыру қаражат жинауға мүмкіндік береді және шарт талаптарына сәйкес төлемдердің параметрлерін алдын ала айқындауға көмектеседі.

Зейнетақы аннуитеті еңбек қызметі аяқталғаннан кейін тұрақты төлемдер алуды қарастырады және зейнетке шыққаннан кейін де үйреншікті табыс деңгейін сақтауға мүмкіндік береді.

Қарыз алушының өмірін сақтандыру кредит бойынша міндеттемелер болған жағдайда отбасының қаржылық қауіпсіздігін нығайтуға көмектеседі. Ал жұмыскерлерді міндетті сақтандыру қызметкерлерді сақтандыру қорғанысымен қамтамасыз етіп, жұмыс берушіге заңнама талаптарын орындауға мүмкіндік береді.

BCC Life компаниясының мәліметінше, бүгінде клиенттер «барлық жағдайға арналған бір өнімді» емес, отбасы немесе бизнес алдында белгілі бір кезеңде тұрған нақты міндеттерге сәйкес келетін шешімдерді жиірек таңдайды.

Жоспарлау қалыпты үрдіске айналғанда

Қазіргі өмір салтында адамдар тек күнделікті мәселелерді шешумен шектелмей, өз басымдықтары мен болашақ жоспарларына кеңірек көзқараспен қарай бастады.

Бұл — белгісіздіктен қорқу емес, өмірдегі маңызды оқиғаларға алдын ала дайындалып, кез келген жағдайда өзіңізді сенімдірек сезінуге деген ұмтылыс.

Сондықтан мұндай шешімдерге сұраныс артып келеді. Барған сайын адамдар өмірді сақтандыруды отбасы алдындағы жауапкершіліктің және жақындарына қамқорлық жасаудың маңызды бөлігі ретінде қабылдай бастады.

BCC Life компаниясының мәліметінше, бұл үрдіс әлі де күшейіп келеді. Қазақстандықтар жақындарының әл-ауқаты үшін берік қаржылық негіз қалыптастыруға және ұзақмерзімді салдарын ескере отырып шешім қабылдауға көбірек ұмтылады.

Мұндай жоспарлау неғұрлым ертерек басталса, алға қойған мақсаттарға сенімді түрде жету мүмкіндігі де соғұрлым жоғары болады.