E-mail: Pr@bcc.kz
Банк ЦентрКредит қаржы қызметін тұтынушылардың өтініштерін қарау тетіктерін жетілдіру мақсатында Қазақстан Республикасы Қаржы нарығын реттеу және дамыту агенттігі құрған FinOtinish цифрлық платформасымен жұмысын бастады.
Платформаға қосылу Банктің клиентке бағдарланған сервисті дамыту және клиенттермен өзара іс-қимылдың ашықтығын арттыру бағытындағы кезекті қадамы болды.
Жаңа цифрлық құрал қаржылық қызметтерді тұтынушыларға Банкке бірыңғай электронды арна арқылы өтініш жолдауға, сондай-ақ олардың қаралу барысы мен нәтижелерін онлайн режимінде қадағалауға мүмкіндік береді.
FinOtinish қаржылық қызметтерді тұтынушыларға қаржы ұйымдарымен өзара іс-қимыл жасауға арналған бірыңғай цифрлық арнаны ұсынады.
FinOtinish цифрлық платформасы арқылы қаржы қызметтерін тұтынушылар (жеке тұлғалар) өз құқықтарының бұзылуына, Банктің әрекеттерімен немесе әрекетсіздігімен келіспеуіне, сондай-ақ қаржы өнімдері мен қызметтерін ұсынуға байланысты шағымдары бойынша Банкке өтініш жолдай алады.
Платформа арқылы жолданған өтініштің мәртебесі мен оны қарау мерзімдерін онлайн режимінде бақылауға болады. Келіп түскен өтініш автоматты түрде Банкке жіберіледі.
Өтініштерді жолдау сілтемесі: https://finotinish.kz/.
Мәселе Банк деңгейінде реттелмеген жағдайда, платформа қолданыстағы заңнамада белгіленген тәртіпке сәйкес банк омбудсманына жүгіну мүмкіндігін қарастырады. FinOtinish платформасын пайдалану тегін және оны пайдалану тұтынушының өз еркіне байланысты. Сонымен қатар, платформаға қосылу қаржы қызметтерін тұтынушылардың өз құқықтары мен заңды мүдделерін қорғаудың заңнамада көзделген өзге де тәсілдерін пайдалану құқығын шектемейді.
Өнімдер мен қызметтер бойынша кеңес алу, қызмет көрсету шарттарын білу немесе басқа да анықтамалық ақпарат алу үшін клиенттер Банктің келесі байланыс арналарына хабарласа алады:
Банктің байланыс орталығы:
Қазақстан Республикасы аумағында ұялы телефоннан қоңырау шалу тегін.
жеке тұлғалар үшін — 505;
Банктің мессенджерлері: WhatsApp және Telegram
(мессенджерлер арқылы қоңырау қабылданбайды)
жеке тұлғалар үшін — 8 (747) 111-15-05.
Банктің ресми сайтындағы чат.
Банк акция сатып алғысы келетіндерден түсетін өтінімдерді келесі кезектілікпен орындайды:
- Акцияларды артықшылықпен сатып алу құқығы бар Банктің акционерлерді болып табылатын тұлғалардың (2019 жылғы 28 қаңтардағы акционерлердің тізіліміне сәйкес) өтінімдері. Акцияларды артықшылықпен сатып алу құқығы аясында хабарландыру беру мерзімі – 2019 жылғы 28 ақпанға дейін (қоса алғанда);
- Банктің акционерлері болып табылмайтын тұлғалардың, сонымен қатар артықшылықпен сатып алу құқығынан тыс акционерлердің өтінімдері. Хабарландыру беру мерзімі – 2019 жылғы 29 сәуірге дейін (қоса алғанда).
Акционер акцияларды 2019 жылғы «28» қаңтардағы акционерлердің тізіліміне сәйкес өзінде бар акциялардың санына тепе-тең түрде артықшылықпен сатып алуға құқылы. Орналастырылған акциялардың жалпы санының (Банк сатып алған акцияларды шегергенде) іске асырылатын акциялардың санына арақатынасы 2019 жылғы «30» қаңтардағы хабарландыруда көрсетілген.
Банктің акционерлері болып табылмайтын тұлғалардың өтінімдері акцияларды артықшылықпен сатып алу құқығы бар акционерлердің өтінімдерінің мерзімінен кейін, яғни өтінімдердің түсу кезектілігі тәртібімен 2019 жылғы «28» ақпаннан кейін орындалатын болады.