E-mail: Pr@bcc.kz
Банк ЦентрКредит қаржы қызметін тұтынушылардың өтініштерін қарау тетіктерін жетілдіру мақсатында Қазақстан Республикасы Қаржы нарығын реттеу және дамыту агенттігі құрған FinOtinish цифрлық платформасымен жұмысын бастады.
Платформаға қосылу Банктің клиентке бағдарланған сервисті дамыту және клиенттермен өзара іс-қимылдың ашықтығын арттыру бағытындағы кезекті қадамы болды.
Жаңа цифрлық құрал қаржылық қызметтерді тұтынушыларға Банкке бірыңғай электронды арна арқылы өтініш жолдауға, сондай-ақ олардың қаралу барысы мен нәтижелерін онлайн режимінде қадағалауға мүмкіндік береді.
FinOtinish қаржылық қызметтерді тұтынушыларға қаржы ұйымдарымен өзара іс-қимыл жасауға арналған бірыңғай цифрлық арнаны ұсынады.
FinOtinish цифрлық платформасы арқылы қаржы қызметтерін тұтынушылар (жеке тұлғалар) өз құқықтарының бұзылуына, Банктің әрекеттерімен немесе әрекетсіздігімен келіспеуіне, сондай-ақ қаржы өнімдері мен қызметтерін ұсынуға байланысты шағымдары бойынша Банкке өтініш жолдай алады.
Платформа арқылы жолданған өтініштің мәртебесі мен оны қарау мерзімдерін онлайн режимінде бақылауға болады. Келіп түскен өтініш автоматты түрде Банкке жіберіледі.
Өтініштерді жолдау сілтемесі: https://finotinish.kz/.
Мәселе Банк деңгейінде реттелмеген жағдайда, платформа қолданыстағы заңнамада белгіленген тәртіпке сәйкес банк омбудсманына жүгіну мүмкіндігін қарастырады. FinOtinish платформасын пайдалану тегін және оны пайдалану тұтынушының өз еркіне байланысты. Сонымен қатар, платформаға қосылу қаржы қызметтерін тұтынушылардың өз құқықтары мен заңды мүдделерін қорғаудың заңнамада көзделген өзге де тәсілдерін пайдалану құқығын шектемейді.
Өнімдер мен қызметтер бойынша кеңес алу, қызмет көрсету шарттарын білу немесе басқа да анықтамалық ақпарат алу үшін клиенттер Банктің келесі байланыс арналарына хабарласа алады:
Банктің байланыс орталығы:
Қазақстан Республикасы аумағында ұялы телефоннан қоңырау шалу тегін.
жеке тұлғалар үшін — 505;
Банктің мессенджерлері: WhatsApp және Telegram
(мессенджерлер арқылы қоңырау қабылданбайды)
жеке тұлғалар үшін — 8 (747) 111-15-05.
Банктің ресми сайтындағы чат.
Құрметті клиенттер!
ЦентрКредит Банкі "Интернет-Банкинг" жүйесіне кірген кезде пайда болатын қателіктердің қазіргі кезде жойылғанын хабарлайды.
Java плагинімен қатесіз жұмыс жасау үшін Yandex-браузер және Internet Explorer браузерлерін пайдалануды ұсынамыз.
Құрметті клиенттер!
ЦентрКредит Банкі қазіргі сәтте "Интернет-Банкинг" жүйесіне
кірген кезде қателіктер болуы мүмкін екенін хабарлайды.
Біз қысқа мерзім ішінде жүйені қалпына келтіру және техникалық қателіктерді жою үшін бар күшімізді саламыз. Функционалдың іске қосылғаны туралы қосымша хабарлаймыз. Уақытша қолайсыздықтар үшін кешірім өтінеміз және түсіністік танытады деп үміттенеміз.
Қателіктер туындаған кезде, ib@bcc.kz электрондық мекенжайына немесе төменде көрсетілген телефон нөмірлері бойынша хабарласуды өтінеміз:
Алматы – 244 30 44 (Техникалық қолдау), Қазақстан бойынша – 8 8000 8000 88, қосылған кезде тілді таңдау (1 – қазақ тілі немесе 2 – орыс тілі), кейін 2 басу қажет. ҚР аумағында қалалық желіден және Beeline/Kcell/Activ ұялы байланыс операторларының нөмірлерінен қоңырау шалу тегін).
«Банк ЦентрКредит» АҚ және «Сontact» төлем жүйесі «Contact-пен сәтілікке жет» акциясының жеңімпаздарын марапаттады
«CONTACT-пен сәттілікке жет» акциясы 2015 жылғы 01 қыркүйек пен 30 қараша аралығында «Банк ЦентрКредит» АҚ-тың барлық бөлімшелерінде өткізілді. Акцияның нәтижесі бойынша екі номинацияда алты жеңімпаз анықталып, олар Contact жүйесінің құнды сыйлықтарының иегерлері атанды. Жүлделер Қазақстанның Алматы, Астана, Балқаш, Қостанай және Семей сияқты бес қаласынан өз жеңімпаздарын тапты.
«CONTACT-пен сәттілікке жет» акциясының жеңімпаздарын салтанатты марапаттау рәсімі 2015 жылғы 18 желтоқсанда Бөгенбай батыр көш., 156, мекенжайында орналасқан «Банк ЦентрКредит» АҚ-тың Алматы қалалық филиалының кеңсесінде өтті.
«Банк ЦентрКредит» АҚ-тың қызметкерлері мен Contact жүйесінің өкілі Contact жүйесінің акциясына қатысқандардың барлығына алғыс білдіріп, ақша аударымының ең үлкен көлемі және ең көп саны категориялары бойынша жеңімпаздарды атады.
Жеңімпаздар:
- Абишев Серик Бердикенович (Семей қ.)
- Букова Анастасия Павловна (Алматы қ.)
- Варзилов Расул Альязович (Алматы қ.)
- ГусейновЭльчин Тофик Оглы (Қостанай қ.)
- Конкашева Гулмира Кадировна (Астана қ.)
- Солодухина Елена Александровна (Балқаш қ.)
«CONTACT-пен сәттілікке жет» акциясының барлық жеңімпаздарына құнды сыйлықтар табысталды. Бірінші орын үшін жеңімпазға LED теледидар, екінші орын үшін SonyXperia флагман смартфоны, үшінші орын үшін ASUS өндірушісінің планшеті сыйға тартылды.
ЦентрКредит Банкі (ЦКБ) мен Еуропалық қайта құру және даму банкі (ЕҚДБ) әйелдер кәсіпкерлігі субъектілерін қаржыландыру үшін жалпы сомасы 3 720 млн теңге мөлшерінде 5 жыл мерзіміне 2 траншты тарту туралы несиелік келісім жасасты. Қарыз қаражаты "Даму" кәсіпкерлікті дамыту қоры» АҚ-тың кепілдігімен ресімделді.
Қаражаттың басым бөлігі (60%-дан кем емес) Қазақстанның барлық өңірлерінде (Алматы және Астана қалаларынан бөлек) орналастырылатын болады.
Бағдарлама шағын және орта бизнес саласындағы кәсіпкер Әйелдерге қолдау көрсетуге бағытталған және Банктің ішкі әлеуетін, шағын және орта бизнесті несиелеу, тәуекелдіктерді басқару, қызметкерлерді оқыту процедураларын күшейтуді көздейтін техникалық қолдаумен сүйемелденетін болады.
Несие берудің негізгі талаптары:
- Ең жоғары сомасы: 550 млн теңгеге дейін;
- Мерзімі: 5 жылға дейін;
- Мөлшерлемесі: жылдық 14%;
- Пайдаланылу мақсаты: инвестициялау, айналымдағы капиталды толықтыру, бұрын басқа банктерден және несие беру ұйымдарынан алынған қарыздарды қайта қаржыландыру.
– Біз ұлттық валютамен несие берудегі тапшылық жағдайында ЕҚДБ -дан алынған аталмыш желінің ЦентрКредит Банкіне кәсіпкер әйелдерге елеулі қолдау көрсетуге мүмкіндік беретініне сенімдіміз. Бүгінгі нарықтық қысылтаяң жағдайында мұндай көмек бизнеске жұмыс орындарын сақтап қалуға да септігін тигізбек, – деп хабарлады ЦКБ Басқармасының Төрағасы Владислав Ли.
– Еуропалық қайта құру және даму банкінің "Бизнестегі әйелдер" бағдарламасы бойынша серіктес ретінде басқа қорды емес, дәл "Даму" қорын таңдауына әйелдер кәсіпкерлігін қаржыландыру бойынша біздің өз бағдарламамызды сәтті іске асыру тәжірибеміз де септігін тигізді. Бүгінгі таңда "Даму" қоры кәсіпкер әйелдер 12 млрд теңгеге жуық сомаға жүзеге асырған 1,5 мыңдай жобаны қаржыландырып отыр. Олар 1000-ға жуық жұмыс орнын ашты. ЕҚДБ беретін қарыз әйелдердің қатысуымен құрылған кәсіпорындардың дамуына жаңа серпін беретін болады, бұл жағдай тұтастай алғанда экономикамызға, сапалы өнімдер шығаруымызға және еліміздің бюджетіне түсетін салық түсімдеріне оң әсерін тигізбек, – деп мәлімдеді "Даму" кәсіпкерлікті дамыту қоры" АҚ Басқармасының Төрайымы Ляззат Ибрагимова.
– ЕҚДБ Қазақстан еліне арнап мемлекеттегі әйелдер кәсіпкерлігін көтеру үшін, әйелдердің ұлттық валютамен ұзақмерзімді қаржыландыруға, алдыңғы қатарлы ғылыми-техникалық әзірлемелерге, сонымен қатар бизнесті дамыту бойынша қаржылық емес қызметтерге қол жеткізуі үшін «Бизнестегі әйелдер» бағдарламасының негізін қалады. Осындай бағдарлама әйелдер басқаратын кәсіпорындардың тең мүмкіндіктерге ие болуына, жаңа жұмыс орындарын ашуына, экономиканы әртараптандыруға жәрдемдесуіне және Қазақстанның шағын және орта бизнес секторының бәсекеге қабілеттілігін, еңбек өнімділігін арттыруға бағытталған, – деп түсіндірді Қазақстан бойынша ЕҚБД директоры Джанет Хэкман.